Divrras elrávdnjehattit – muhto dat guoská dušše Mátta-Norgii

Dán čavčča lea beaggán mediain sáhka divrras elrávdnjehattiid birra, ja oallugat ballet oažžut stuora elrávdnjerehkegiid. Muhto, dát dilli ii čuoza buohkaide. Máddin lea elrávdnjehaddi lassánan viehka olu dán geasi ja čavčča, ja vuordimis šaddet doppe dat divraseamos hattit maid mii leat dássážii oaidnán.

Tekst: Anne Helene Bals
Bilde: Shutterstock
Dato: 29. oktober 2021

   

Davvin ges lea áibbas eará dilli. Davvin eai mávsse dállodoalut lasseárvodivada (merverdiavgift) ja Finnmárkkus ja Davvi-Romssas eai mávsse ge elfápmodivadiid, ja dasa lassin lea maid dál elrávdnji hálbbit davvin go Mátta-Norggas. Davvi-Norggas lea gal dál divraset elrávdnji go diibmá lei, muhto 2020:s  lei elrávdnji earenoamáš hálbi. Dán jagi leat elrávdnjehattit seammá dásis go 2018:s  ja 2019:s. Elrávdnjehattit dán dálvvi divrut davvin maid, muhto eat mii vuordde nu divrras hattiid Davvi-Norggas go Mátta-Norggas leat dál.

Norga lea juhkkojuvvon viđa haddeguvlui. Davvi-Norga lea sierra haddeguovlu, ja Mátta-Norga lea ges juhkkon njealji haddeguvlui.  Jus galgat čilget manne leat ná stuora erohusat dáin iešguđetge guovlluin Norggas, de fertet geahčestit mii eanemusat váikkuha hattiid mearrideapmái.  Mátta-Norggas lea máŋga mánu leamašan fiertu, ii ge leat arván nu fávdnádit. Dát dagaha ahte lea unnit čáhci go dábálaččat magasiinnain Mátta-Norggas, ja dát váikkuha elfápmobuvttadeddjiide. Sii fertejit muddet buvttadeami ja seastit čázi dálvái goas dábálaččat lea eanet dárbu elfápmui go buolašta. Davvin ges lea leamašan nuppelágan dilli. Olu biegga ja arvi davviguovlluin lea dagahan ahte lea olu elfápmu davvin. Go ii leat vejolaš fievrredit elfámu lulás elfápmolinjjáid garžžideami geažil, de dat váikkuha elrávdnjehattiide davvin ja dat hálbot.

Mii ávžžuhit aŋkke buohkaid seastit elrávnnji ja bidjat johtui doaibmabijuid dakko gokko sáhttet.  Buorit vuogit mo ligget viesu ja geavahat lieggačázi váikkuhit eanemusat dasa man olu elrávnnji don sáhtát seastit. It don galgga gal dárbbašit galbma ja sevdnjes viesus čohkkát, muhto jurddašallat movt don geavahat elrávnnji.

Synes du artikkelen var nyttig?  Ja   Nei

Takk - gjerne fortell hvordan vi kan forbedre oss:

Vennligst vent

Takk for din tilbakemelding.

Del artikkel

   

Vi bruker informasjonskapsler på denne nettsiden.

Godta    AVVIS

Logg inn på «Min side»